Rainer's profileRainsipper's spacePhotosBlogListsMore  |  Tools Help |
|
June 23 So Long My Kodachrome Kodachroooome They give us those nice bright colors They give us the greens of summers Makes you think all the world's a sunny day, oh yeah I got a Nikon camera I love to take a photograph So mama don't take my Kodachrome away May 09 是日戰況之懶到出汁 時間：7:27pm (Apr 28) 跑左：48:27 min 距離：8.5km 燒左：571 Kcal 鞋：Aero Year to End Mileage：202km Year to End Calories：12553 真係好懶，十幾日前跑o既步，今日先log返，你話係咪懶到出汁。今個星期又skip，睇黎離退休不遠矣！ 話說上個星期個人大幅增磅，hea跑6個，之後成班跑友去左Spagetti House食晚飯，我同Andy例牌搭檯咁喪傾佢d生意經，之後再o係麥記加多場，一直吹到成12點。由於返到屋企個人疲到反肚，結果呢個log一拖就拖左個幾星期。 April 16 大師 X Steinway & Sons的好音樂 - Maestro Maurizio Pollini Piano Recital Setlist: Frédéric Chopin Prelude in C-sharp Minor, Op. 45 Ballade No. 2 in F Major, Op. 38 Piano Sonata No. 2 in B-flat Minor, Op. 35 Scherzo No. 1 in B Minor, Op. 20 Four Mazurkas, Op. 33 Berceuse, Op. 57 Polonaise in A-flat Major, Op. 53 ‘Heroic’ Encore: Etudes (Op. 10 No. 12 and 4) Ballade No. 1 in G minor Nocturne (Op. 27, No.2)  幸好得到Peter的朋友Grace協助，否則今晚我可能要在家中獨自欣賞大師的CD呢！門票於3月12日開售，一個多小時內全數沽清，可見樂迷都極度重視Maurizio Pollini的首次來港演出。相信每一個購了票的樂迷，都希望見證這位自60年嬴得簫邦大獎，紅極半個世紀的一代鋼琴傳奇。 Intermission前的選曲較為平實，大師的演譯故然精湛，可是我的心神仍然圍繞著那台Steinway & Sons的三角琴：「這琴真美！真的是常註文化中心的琴麼？」「這樣級數的大師，應該帶上自己的鋼琴吧？」「怎樣才能把琴安全付運呢？」....一個接一個的問題，不停在腦海中盤旋。 直到Intermission，迷底終於解開。Peter跟我說：「Grace告訴我，這琴是大師私人擁有的。」難怪音色者麼好吧！文化中心也有一台Steinway & Sons，可是音色還有差別呢。 Intermission後演出慢慢進入高潮，Four Mazurkas跳脫而不失Chopin原有的優美，Berceuse是一首搖籃曲，旋律較為簡單，但對雙手的平衡性要求極高，是一支很難彈得好的曲子。「英雄」則是簫邦錶廣告的Theme Song，無人不識，激昂磅礡，是收官的最佳選擇。 演出完成後現場掌聲不絕，眼見觀眾的熱情，盛情難卻的Pollini一口氣演出了四首曲子。當中的練習曲是極具難度的演出，Pollini有力以細膩的演出不失所有細節，將個人技術完全展露出來。期後的Ballade和Nocturne慢慢將氣氛緩和下來，雖然難以平復現場聽眾的高漲情緒，可是作為告終，還是相當合適的。 聽著Encore session的精彩演出，感覺就像觀看一場榜首大戰的補時階段一樣，一面感覺十分緊張刺激，另一方面又意識到比賽快要完結，那種捨不得的心情，其實挺難受的。 看過演出後，不得不對Pollini誠心悅服，接近70年華，說實話也真的有點老態。可是一坐在鋼琴前，就像如日當中的青年一樣，那股力量、那種氣勢、那樣技術、那般熱情，正要跟全場聽眾宣布：「我就是Legend！」 希望不久的將來政府能邀請到其他Legend如小提琴手Anne-Sophie Mutter和貝多芬Sonata專家Mitsuko Uchida，那就真的做福廣大聽眾。 April 10 O2 Arena初體驗 - Paul Weller Live (March 21, 2009) 當知道要到英國時，除了公事，心裡就只有到O2聽concert吧。 到Tickmaster購票，發現在到步的那個週末就只得Paul Weller，不過沒所謂吧，我要的不過是感受O2的氣氛，誰玩的音樂，坦白說也不太重要啊！ Paul Weller是老牌樂手，早在70年代已紅極一時。成立The Jam樂隊更把音樂事業推上頂峰。接 近90年代時樂隊解散，其後Paul的solo career仍然不過不失，今年更憑新碟Dream 22拿得了Brit Award，絕對是實力派的代表！ 這兩個星期iPod都播放著Paul Weller的近作，初聽時並非一鳴驚人，但不斷的重複令我不經不覺愛上了這位歌手。Dream 22，包含22條track，一半是Vocal，夾雜著Instrumental，編排不落俗套，蠻Tasteful的。 在倫敦跟好幾個本地人談話，不時都將話題拉到音樂上，不論是海關關員，商業伙伴，或是路上遇到的中年人，他們都對Paul Weller有深入的認識，尤其是The Jam和其後的Style Council，個個都讚不絕口！相反年青一輩的反應卻較冷淡。 那天下午跟阿民和Michael吃過late lunch後，便分道揚飆。他們要趕往機場回港，而我繼續沿Southwark的Thames Path向著O2 Arena進發。 走路這個決定是查過地圖後才決定的。原定計劃是乘渡輪前往，不過看到碼頭的人龍，加上船班疏落，好像走路刮算一點。可是一走便兩個小時，越向東面走，便越遠離商業區，沒有風景令路途更加沉悶。最後走到Surray終於找到往North Greenwich的巴士，否則多走兩句鐘也說不定呢！ 到達O2時剛好6:15，第一眼看到O2的感覺真是頗失望的。印象中O2 Arena相當宏偉，可能網站的照片實在太futuristic了，實物好像洩了氣一樣！ 由於是網上訂票，先要到票務處取票。華裔的職員(幾靚女架^^)把票交給我之前問我從那裡來以作確認。我跟她說是香港時她還用不純正的廣東話說了一句「多謝晒！」 進入O2後，先前的失望全被充滿未來感的碩大空間一掃而空！入口處的燈飾十分有創意，同時商舖食肆林立，心中後悔應早一點來，四處逛逛，再找家酒吧喝杯才進場。不過離開場還有些時間，足夠我買些Merchandise吧。 暖場工作由The Coral包辦，一句鐘的演出雖說不上十分精彩，可是對於過早進場的我，帶來了不錯的娛樂。 在8:45，Paul Weller正式出場。同場演出的還有四人樂隊、四支小號，和由10位女士組成的弦樂團。坦白說之前我對Weller並不存有很大的期望，雖然音樂做得不錯，可是已是半百年華，難免有點力不從心吧。 可是一支曲過後，所有陰霾都全被抹去！Weller有力的演出，令我耳目一新，精彩的歌曲，熟練的技巧，絕對把這一代的歌手比下去！在樂迷擁戴The Jam年代歌曲的同時，Weller演出多首新碟中的歌曲，突破了聽眾的防線，帶來全新的高潮。 經過個多小時充滿力度的演出，Weller走到鋼琴邊，開始Acoustic Session，並把Soulful的「You Do Something to Me」獻給「Lovers everythere」。 英國的Tube出了名不可靠，出發前收到O2 Arena的電郵通知，得知連接O2的North Greenwich Line和回去酒店的Victoria Line同時停止服務，實在令人氣餒！本來計劃Encore前離場，可是現場氣氛實在高漲，Weller在兩輪Encore中才拿出多首The Jam的首本名曲，試問誰能夠抵擋呢。 一個晚上，就像走進Weller 30年的音樂旅程，70年代的Punk、80年代的Pop，和90年代的Britpop，加上O2 Arena的偉大場面，實在令人難忘。 曲終人散，我獨個兒跟著人龍，慢慢的離開O2 Arena。搶搭巴士確不是味兒，登車後還得遇上大塞車，結果花了45分鐘才離開O2的範圍！本文的前半，就是在巴士上寫的。 巴士一直向西南走，走到了不知名的地方，我隨意選了個較多商舖的地方下車。可幸的是，倫敦的尾班巴士在一時多才開出，正當我打算截停的士前，遠處出現往Victoria的巴士，省了我好幾十鎊。 SETLIST Peacock Suit Out Of The Sinking 22 Dreams The Changingman Wake Up The Nation All I Wanna Do (Is Be With You) From The Floorboards Up Sea Spray Shout To The Top Eton Rifles Porcelain Gods Invisible One Bright Star Empty Ring You Do Something To Me 7 And 3 Have You Made Up Your Mind Push It Along 111 All On A Misty Morning/Magic Bus The Butterfly Collector Brand New Start Wild Wood Echoes Round The Sun Broken Stones Whirlpool's End Town Called Malice  April 07 是日戰況：6+2=8 地點：馬場 時間：7:19pm 跑左：1 hr 4 min 距離：11km 燒左：683 Kcal 鞋：Aero Year to End Mileage：194km Year to End Calories：11982 今日又係好忙o既一日，o係火炭跑左兩場，吹完一日水之後又要趕返office起稿比客，收工時已經極唔想跑，不過Andy同公仔佬都黎，所以一定要捧場。 跑左一個圈就見到公仔佬，再跑多個就見到Andy，即刻跑慢d拍Andy，公仔佬呢排操得好fit，同佢跑完一個雖然仲有氣有力，但係我想跑長d，所以都係同Andy跑襟計d。 結果同Andy跑左6個，total跑左8個，1:04唔算快，但係跑返長d個人滿足感都高d。 呢排興coupon，咁岩我同Andy都有美心coupon，當然就去美心醫肚。食左個火車頭套餐，嘩o個碗粉真係好crappy，o個兩件so called蝦餅同粒帶子差唔多大，不過三十蚊(coupon價)連埋野飲，都唔要求得咁多。 今晚同Andy開左個新話題，就係車喇，佢話想買部TT，不過實際D都係Jazz好D。我就繼續dream我架911，不過家陣負資產，睇怕無返三五七年都唔使諗。 No problem，反正呢個原本係我30歲o既生日禮物，都stretch左咁多年，唔爭在等到40歲先實現，最緊要有命享受。 April 03 密實袋 在紐倫堡的機場，出境前有個緩衝區，讓旅客細心檢查隨身行李。區內除了以多國語言列舉機上的違禁品，旁邊還有多個木箱，放了大量密實袋，相當貼心、漢堡亦有同樣的緩衝區，不過密實袋卻要收費，說不上貼心，但對冒失的旅客來說，還是相當管用。去年到沖繩旅游，往機場前女友還在超市買這樣、買那樣。買得高興時當然甚麼密實袋早已丟到九霄雲外。結果出境時被安檢捉過正著。幸好剛碰上來自香港的旅行團，連忙向人家借用，好不容易才弄了兩個應急。容量少的東西總算過關，但大支裝的東西卻劫數難途。安檢雖然不停鞠躬道歉，可是要即場棄掉也是無可奈何啊！ 出發前總會為密實袋的時煩惱，上次外出時明明買了一盒，可是壓根不知到放到那裡去。結果又要另外添置，而原有的幾合彷彿像四腳蛇般，早已竄到家中某個隱閉的角落藏起來！ 相信很多人也跟我一樣，買了密實袋回家，只用作盛放噴髮膠或時洗澡液等東西，從來不會用作其他用途。這樣的話也實在不太還保吧！最好還是向德國學習，出境時讓旅客自行購買，或是乾脆透過機場稅徵費，多收一元數覺，相信大部分人也不會反對吧！對地球也許還好一點呢！ 我相信官僚的特區政府絕不會推行我的建議，光是諮詢也得花個三五七年吧！看來要找個找個當眼的地方擺放新買的密實袋，免得它們再次走失。 April 01 是日戰況：弱戰回歸 地點：馬場 時間：尋晚7:33 pm 跑左：55:33 min 距離：8.5km 燒左：511 Kcal 鞋：Aero Year to End Mileage：183km Year to End Calories：11299 去完歐洲返黎，要pick up之前兩個星期o既工作，仲要同jet lag搏鬥，真係得返半條人命。不過無跑一輪，我怕會破功，所以有得跑都即刻跑。 今晚阿Cat call齊馬，陣容好鼎盛。Andy都有黎，佢話要同我吹下生意經，好呀！ 鐵腳例牌快放，我同Andy就跑到晨運咁，跑完第三個圈就比佢lap左。不過我四肢有力，但係條氣唔係好順，所以都係目送鐵腳o既車尾燈慢慢離去... 晚餐o係Pizza Hut食，擺明開正我o個瓣。食食下飯Andy問：「你地邊個係同事呀？」咁岩阿Cat剛離職，真係有D尷尬，哈！ March 12 美妙的一晚 - 小野麗莎 自從錯過了Lisa Ono 05年在新加坡的Live，等了又等，四年後的今天，終於等到這位Bossa Nova女神首次來港演出。 門票數個月前已買好，無奈女友Out of town，總也得找個伴吧。兩個大男人去聽Bossa Nova未免大煞風景，年紀太輕的還未懂得細味箇中滋味。當天下午匆忙地找來Eve，老實地告訴她「這本來就是女友的票啊....」 開場前10分鐘便安坐，位置不錯，雖然不是前排，但卻是正中面對著舞台。畢竟是電腦訂票，沒可能實在的指定座位的位置。環看四週，發現觀眾的陣容相當鼎盛：財爺、任總、寶Baby..... 不知是期待還是渴望，當女神開腔時，我全身的每一個細胞都被觸動著，那溫柔的聲音就像年輕的媽媽跟懷裡的小寶寶唱著安眠曲一樣。 第一首曲是「The Girl From Ipanema」，剛好之前一晚用餐時在餐廳聽過菲律賓樂手的演出。有生之年聽過這曲的次數不下數百次，加上演出這眾，光是流行的版本相信也有好幾十個，絕對是家傳戶曉的Bossa Nova曲子。當中最著名的當然是Astrud Gilberto主唱的原著。 身材高窕健美 年輕又美麗的伊帕內瑪女郎 每當她走過 總是引起男人們的讚嘆 彷彿踩著森巴的舞步 輕擺身軀 冷冷地走著 柔柔地搖擺著 想對她說 我喜歡她 也想獻上 我的一顆真心給她 可是她卻彷彿看不見我 只凝視著大海出神... 事先已張揚今晚是Tribute to Antonio Carlos Jobim，中場前一直唱著Jobim的首本名曲。中場休息後Liza接連唱出「The Three moon Songs」，分別是Moonriver、Fly Me to the Moon，和It's Only a Paper Moon。 樂隊成員雖然每一位都型像鮮明，但全都恰如其分，賣力地演奏屬於自己的部分。最有趣的是鋼琴手，老老實實的演出就如辦公室裡面的Typist一樣，沒有多餘的激情，精準而含蓄。 Encore部分Lisa Ono唱了三首曲，當中一首日文曲顯給旅港的日本人，和兩支國語曲，分別是「夜來香」和「吻別」，兩首曲早已在中國巡迴時獻唱過，一度將現場氣氛帶進高潮！不過最令人印象深刻的還是日文作品「望鄉」，此刻Lisa放下Bossa Nova的跳脫，換上深情的聲音，向在場每一個聽眾唱出如泣如訴的樂曲，澎湃的思鄉情懷，不單令在場的日藉聽眾感動，就連我不諳歌詞內容也動容呢。 離開文化中心，一股寒意接腫而來，不得不急急穿上外套。可是心中的餘韻良久不散，腦海中，仍是微風吹弗，懶洋洋的一抹黃昏。  March 10 是日戰況：煲仔飯 地點：馬場 時間：7:30 pm 跑左：50:11 min 距離：8.5km 燒左：537 Kcal 鞋：Aero Year to End Mileage：175km Year to End Calories：10788 Weekend就出trip，呢幾日得別多野做。做銀行o既朋友幫我唱左錢，無理由要人地大拿拿拎住成皮野周街走，所以5點幾就撲左落去大笨象總行拎錢。 去到馬場比平時早左，成村人都未到。尋晚聽完concert又同個靚女食飯吹水，結果搞到夜左返屋企。死鬼咁支力，唯有坐o係bench度等啦。教練一見到我就問Andy黎唔黎，我話佢病左，教練就話：「佢成日出去做野，走黎就去，抵抗力係會差D架喇.... 」Andy，聽到啦。 七點半左右起步，又話回暖，結果又大風又凍！我同鐵腳escort住Chris晚跑左三個圈，約莫9:00 pacing，之後得返我同鐵腳就跑返快些少，約7:30 pacing，最後一個我話要overtake前面對男女(佢地都係7:30 pacing)，等大家有D目標chur下，結果6:58跑完，都算唔錯丫。 晚餐o係燈籠街食煲仔飯，等位用左10分鐘，等食再用左50分鐘，不過侍應講明要等，我地都無乜怨言。煲飯真係有料到！我覺得正過西環坤記！等咁耐值唔值見人見智，不過我一定唔會成為regular patron。 March 03 是日戰況：真係好hea 跑左：1 hr 1 min 距離：10km 燒左：605 Kcal 鞋：Aero Year to End Mileage：167km Year to End Calories：10251 今日未收工，Andy就上左黎押送，一齊同班同事去馬場跑步。 Andy話跑5個，我同鐵腳尋晚約好左，話明要hea 7，頭三個圈都相當輕鬆，9:00-9:30 pacing，不過都唔可以話極舒服。第四個圈開始順D，慢慢加快到8:30 pace。Andy跑完5個就收工，我就join左鐵腳個pack一齊跑，再hea多一個圈，最後一圈我想跑快D，可能之前實在太慢，漸漸加快都唔辛苦，開頭我仲話呢個圈應該8分鐘跑完，結果6:48就搞掂，比預期快左好多。 晚餐o係Time Square Food Court食，今晚Andy請，我地就食Triple-Os，Mushroom Burger + Fries + Gravy，爽呀！ 食飯時吹水，講返今日個騎呢投訴。話說有班讀屎片o既專上學生o係forum度亂post文做問卷，比我刪左文仲夠膽send封咁o既email黎： Subject：問卷調查：親子AQ訓練營 有人投訴嗎？不合法嗎？請解釋！ 一群等待收Data的同學上 仲要落埋個instructor個contact，真係開正我o個瓣，一於耍你地班死鏟一鑊，cc埋比你老闆： 一群等待收Data的同學，您好： 刪文的原因是：Crossposting，即一文多發，這是違反用戶守則的行為。一般來說我們非常歡迎學生及非某利機構在站內進行問卷調查，但通常這些團體都會在進行調查前向站方禮貌提出知會，相信這是較為恰當的做法，謝謝！ BK 我一世人最憎D友仔以為自己食硬人，或者不知悔改。不過我更有理由相信呢個所謂「親子AQ訓練營」根本上唔係學術調查，似乎更加似係商業活動。 February 24 事日戰況：究竟我肥左抑或瘦左？ 跑左：1 hr 1 min 距離：10km 燒左：480 Kcal 鞋：Aero Year to End Mileage：157km Year to End Calories：9646 今晚全體同時縮沙，好彩Andy出席，回復以前Good Old Day。 今朝已經諗住要跑7個，事關一個星期先跑10k，作為運動鍛鍊都確實係少左D，所以決心跑返多D，hea 6實在唔係路。Andy剛開操，未跑得晒7個圈，所以我早D到，跑住等。 o係更衣室jog出去跑道，剛好馬場洒水機洒緊水，D水啡下啡下向住我啡過黎，於時我急步跑，點知都係唔夠快，比佢啡濕左少少。 今晚天氣都唔錯，係熱左DD，但係微風送爽，好適合jogging。我先用7:30 pace跑左3個圈，跑完第三個就見到Andy，佢一見到我就話覺得我肥左，或者係慢慢肥卦，我就覺得自己差別唔太大。Andy的確係最佳running buddy，吹下水，慢慢跑，唔使一陣就跑多4個收工。 終於去返美心食飯，大家不禁食豪左~~~叫鐵板餐！我仲加碼整多杯可樂，一吹又粒幾鐘。 臨散水千Andy拋左個搞鬼問題：「於果我每日都買$1000大細，輸左就double up，嬴左就閃，咁理論上每個月都可以搵到3皮野！但係點解無人咁做呢？」 吹左一陣，我地終於有結論，就係由於賭桌有限紅，去到limit你就無得追，end up局你斷欖，所以呢個theory mathematically成立，but practically impractical。 你話家陣我地呢D中坑個腦諗乜架！ 等巴士時撞到個friend，佢一見到我就話我瘦左！究竟我係肥左抑或係瘦左呢？ February 18 飲食曼谷經濟不景，前途暗淡，確實沉重地打擊了消費意欲。不過向好的一邊看，就是消費性的東西都平宜了。女友的生日跟情人節來得很相近，每年安排節目也特別傷腦筋。但今年她卻想出了新意思：「反正要花錢，不如趁機外遊吧！」 隨意走進旅行社，便找到二千元的曼谷套票，三天兩夜，住的還是Banyan Tree Hotel & Resort，不加思索便全數繳款了。 已經是第三次遊泰國，三天的行程，觀光全免，全程瘋狂吃喝！
 
 
 
February 17 是日戰況：Andy強戰回歸 時間：7:11 pm 跑左：52:00 min 距離：8.5km 燒左：480 Kcal 鞋：Aero Year to End Mileage：147km Year to End Calories：8994 真係千呼萬喚始出來，我個running buddy Andy今日終於重回馬場。 繼續hea 6，頭幾個圈簡直係用行o既速度去跑，所以可以成Group人拍住跑，都幾有team spirit。Andy初回馬場，小試牛刀，跑左三個，都算唔錯。我同鐵腳跑埋剩低3個，pace快左，但係傾住跑，仍然係好輕鬆。 我力誘鐵腳一齊玩Clearwater Bay Chase，不過我都唔知截左止未，希望有得玩啦。 晚餐去雅苑食，照舊點燒牛肉沙律，成餐飯我掛住同Andy講生意經，變左搭檯都唔知添。Waitress落單時煞有介事咁問要幾成熟，結果上菜時又係炒埋一碟，吹~~~~脹！ February 11 是日戰況：hea 6 定 hea 7 地點：馬場 時間：7:34 pm (尋晚) 跑左：49:29 min 距離：8.5km 燒左：484 Kcal 鞋：Aero Year to End Mileage：139km Year to End Calories：8514 「今晚hea 6定hea 7呀？」即係hea住跑6個抑或7個圈。 跑完渣打，估唔到仲有半team人committed to training，真係唔話得。結果今晚我同鐵腳跑孖必，一面吹水一面跑，講真，自從Andy retired後好耐無同人吹住水跑步喇。 頭圈8:30，慢慢加快到7:30，輕輕鬆鬆，就一粒鐘。 晚餐四條友去慶功，鐵腳49分跑完，硬達標！Cat 70分鐘跑完，軟達！Teresa 1:20，都係遠達！我target 1:45，結果1:53，硬達爭好遠，但比之前兩場賽快，mung車邊軟達！所以齊齊去正冬火鍋慶功！ 先黎鵝腸同豬潤，終於可以同「內臟達人」交換內臟，合巹交臟，夫復可求！ February 09 是日戰況：渣打馬拉松2009之影相辛苦過跑 地點：尖咀 > 西九 > 葵涌 > 西九 > 西隧 > 中上環 > 灣仔 > 銅鑼灣 > 維園 時間：6:50 am 跑左：1:53 距離：21km 燒左：1250 Kcal 鞋：Aero Year to End Mileage：131km Year to End Calories：8030 雖然今年練得好hea，但係話晒都叫做練左，一月又跑左兩場比賽，我其實對今年渣打都有D寄望架！要挑戰個人最佳成績1:40似乎無可能，但係我都想平返渣打記錄1:46。 星期六照舊食多D野，下晝同+1上左山頂Bubba Gump食蝦，我點左個Shrimp Dripping Broth，又麵包又白飯，真係無得彈！不過蛇羹就無時間去食，但係我又有新招，就係一日一支益力多喇。先講明益力多呢樣野係唔會令人跑快D，不過對排毒好有幫助，至少跑跑下唔會有toliet problem嘛。 夜晚照舊訓唔著，剛訓著無幾耐就4:00要起身。o係屋企隊左D蘿蔔糕就出發喇。由於沿途無經過麥當當，所以連咖啡都無飲。唔飲咖啡真係好壞參半，基本上我全程都無人有三急o既情況，但係就有D眼光光，些少唔夠focus咁囉。 兩程地鐵都唔使點等，好順利去到尖咀。今年得我一個人跑，D friend唔係全馬就10K，唯有自己support自己啦。行個圈，影下相就拿拿臨寄行理喇。o係北京道我突然間想影下d貨車，於是unpack左個baggage拎部相機出黎。影完之後...個行李牌呢？無左！唯有硬住頭皮照寄啦！點知行到埋架貨車度就見到我個牌掛左o係車門，原來比好心人執左。 今年天氣好暖，絕對無利做好成績。不過我實在太怕凍，覺得very nice。我企個位都唔錯，迫下迫下最後停左o係離地氈20m左右等起步。 搭正6:10就開始，我原定跑5min/km，不過跑左陣就知呢個pace我跑唔到，好彩都有plan B，就係每K slightly off 10-15秒去保住1:50呢個target。我望住隻錶跑，速度都幾平均，但係就硬係發唔到力。只好寄望10K之後可以跑返順D。 未到美孚帶頭o個批選手已經跑緊回頭路，當中仲見到教練。我睇云咁多個跑手，除左帶頭o個幾個個跑姿keep得好好外，其他(up to top 20)都跑得好loose，教練o雖然唔係帶頭(只係head緊自己個age group)，但係個跑姿真係靚到textbook一樣，所有動作都好緊密，貼實前面個跑手檔風，擺明就超級多貨o係手！ 不能不讚今年水站o既安排，sports drink係獨立包裝，唔再係一杯杯。跑住飲杯甜野或多或少都會濺左落隻手同個身度，黐立立咁真係好唔舒服。 跑過10K，時間53min，同平常一樣，我一邊覺得keep到個pace，另方面又frustrate無快到。之後情況都係咁上下，momentum唔夠，最多只可以maintain速度，但係想快就無可能。 跑跑下見到一個老外著住件Pingu tee shirt，真係好醒神，我都好想整返件呀！或者件衫真係太得意，我跟住個老外跑左差唔多2K。 入西隧之前隊左包Gel，再加埋飲左N包isotone，理論上我已經充滿力量喇，但實情係個肚不停咁反磋，個口充斥住Gel o既味道，都幾難頂架！ 入左隧道後，我見到樣好醒神o既野，就係我個~~~騎~~呢~~小~~學~~同~~學~~喇！今年成年無見過佢，我仲以為佢退左休添。舊年要去到灣仔碼頭先同佢相遇，估唔到今年咁早o係西隧就碰頭，既然達標無望，一於執左你祭旗先！拿拿臨閃埋一邊，過左佢先喇，以免夜長夢多。 返到黎香港島先至係戲肉。又上又落真係唔易捱，加上無乜貨剩，達標又無望，真係好難捱。最開心係阿爸阿媽落左黎同我打氣！老豆o既攝影技術經過一年o既洗練亦幫我影左張靚相。 駱克道一段照舊好過癮，可能係仲未爆晒，仍然可以跑快兩步。最後1:53衝線，有些少失望，但係咁o既操練就係咁o既結果。 換好衫後見到我個~~~騎~~呢~~小~~學~~同~~學，佢見我換好晒衫大概知我快過佢，離遠同我揮下手就閃喇。如過比佢快過我，仲唔行過黎廢up！ 跑完再同全馬班friend影衝線相，呢下辛苦喇，等位等左成大半粒鐘先攝到個好位，之後再等大半粒鐘先開始有人衝線，再等多大半個鐘先到我班friend逐一出現，最後由於唔肯定有無人上巴士，結果我等5個半鐘先閃人。呢5個半鐘真係有血有汗，由於無人support，我唔可以行開，結果斷水斷糧(好彩衝先時有罐isotone)，又唔去得放水，對腳愈企越硬，唔知點放好。好彩影出黎o既相都唔錯，總算無白費心機。 而o係開始有人衝線之後o個兩個鐘，簡直係集中力同耐性o既終極考驗！由於我唔清楚有幾多個friend跑，又唔知大家o既時間係點，再加上要o係幾千個跑手當中認返你地出黎。當中face detection + reaction + 舉機 + 對焦同埋影相就只得o個6、7秒，話係「攝影全馬」都唔算過份，真係少D意志都唔得。 以為個天暗暗地唔曬，今朝照下塊鏡，唔白得過Obama好多，下次影相點都要有個support！ P.S. 跑完先知公司全員成功完成賽事，當中鐵腳、Michael同埋Andy都以under 60mins完成，實在可喜可賀！Eva同Yan Yan都黎撐場，雖然我唔在場，都覺得好感動呀~~~！相比我一支公玩咁多粒鐘，突然顯得好落泊添@@! Km Time Lap Time HR Max Avg Min 3 0:16:04.5 0:16:04.5 165 177 162 123 4 0:21:35.0 0:05:30.5 168 171 167 160 5 0:25:05.0 0:03:30.0 169 173 169 161 8 0:42:36.8 0:17:31.8 167 172 167 160 9 0:47:53.3 0:05:16.5 169 173 170 160 10 0:53:12.0 0:05:18.7 173 175 170 165 11 0:58:21.7 0:05:09.7 179 179 170 159 12 1:03:37.6 0:05:15.9 174 180 176 169 13 1:08:55.4 0:05:17.8 86 175 170 160 14 1:13:54.5 0:04:59.1 89 179 177 171 15 1:19:44.7 0:05:50.2 94 186 178 172 16 1:25:39.8 0:05:55.1 171 179 174 160 17 1:31:15.4 0:05:35.6 173 181 171 162 18 1:36:58.9 0:05:43.5 174 178 174 172 19 1:42:38.6 0:05:39.7 173 176 173 169 21 1:51:39.0 0:09:00.4 170 180 173 165 相關舊文： 是日戰況：渣打馬拉松2008之「唔好跑死對腳！」 渣打麻啦鬆2007之頭文字D+坐包廂  February 03 是日戰況：大戰前最後一課‧給隊友的話 地點：馬場 時間：7:14 pm 跑左：50:16 min 距離：10 km 燒左：610 Kcal 鞋：Aero Year to End Mileage：110km Year to End Calories：6780 朝早我上左深圳同國內個team開年，結果又喪食，回港後超級飯氣攻心，6:00約左同時o係巴士站等，成程車猛咁放蚊！不過已經係最後一課，根本上就無縮沙o既理由！ 今晚都相當人齊。除左Teresa旅行未返外，全團人準時到達。Jessica要晏D收工，但都話要跑足10K，鬥志相當可加！Eva唔比賽都黎撐場，認真唔話得呀！ 為左要確保鐵腳Ray狀態top fit，我決定推佢跑10K，反正仲有成5日recover，唔會有咩影響o既。佢例牌第一個圈就跑快左，under 7:00跑完，第二個圈開始收返慢，第三個圈就現型喇。到第五個圈佢開始有D疲態，我追上去pace返佢，回一回氣後，第七個圈我一於試下呢個哥仔有幾多貨o係手先！我慢慢加快，佢一直都跟到我，直到入最後大直路時，嘩！比佢overtake添呀！好彩我仲有貨，keep住個速度跑埋佢。 晚餐o係Inside Out食，我偷飲左杯Stella。後來先知原來入大直路時Celia同Cat對我地歡呼，我聽唔到，但係鐵腳聽到，難怪即刻上電啦！ 今晚跑完Eva仲有禮物鼓勵我地，就係「火柴雄心索袋」！真係好有心呀！SCM o個日要用佢黎裝PowerGel先得。  同同事跑左17個星期，作為業餘黃綠教練，都要比D comment大家： 鐵腳： 你果然青春無敵！坦白講呢刻我要同你同場鍊10K我無把握嬴你。你優點係可以overload (即係扯晒蝦時)繼觸chur，好捱得。但係要留意pacing，唔好開頭跑得太快。SCM o個日頭兩K跑5:30，之後每K做返4:50-5:00就達到50min目標喇。 Cat： 我佩服你o既determination，要講鐵腳你先至係實至名歸！你個race strategy我唔同你諗喇，因位你快慢圈速差距較大。不過你可以就返平時練習個speed pattern訂返比賽當日每一K o既時間，under 1 hr好有機會呀！ Celia： 你練得少D，或者秘密練左，所以都係無乜comment。但係你個跑姿係我地咁多個之中最好o既，pace亦比Cat平均。希望你同阿Cat一樣，做到under 1 hr，女仔under 1 hr真係好叻架！ Teresa & Jessica： 雖然你地練唔足，但係唔好undermine自己跑左o既mileage。你地o既目標係要快過老闆，知道嘛！？我會set Teresa個target completion為1:10-15，而Jessica就1:15-20。我深信呢個時間夠你地嬴架喇。開頭人多擠擁o既時候可以談住一場跑，跑過3-4K之後如果any of you覺得good to go就唔好stick together喇。 結語： 大家都為左比賽付出過，亦吸收過(唔少卡路里)，當覺得洩氣時，諗返起當日訓練時有幾辛苦，又或者諗下開餐時o既歡樂場景，或多或少都會有D lift up o既作用架！同埋起步時會好擠擁，身邊o既人亦會以唔配合佢地身型o既高速發進，千其唔好心急，自亂陣腳，頭3K比自己off schedule 2-4分鐘，睇住公里牌同手錶，time得好未到5K已經可以overtake好多runners。 我目標係1:45，祝大家好運，齊齊達標！ January 30 是日戰況：一個(圈)就夠晒數 地點：馬場 時間：7:14 pm 跑左：50:48 min 距離：10 km 燒左：614 Kcal 鞋：Aero Year to End Mileage：100km Year to End Calories：6170 今日同事未返齊工，所以唔齊人。馬場亦都係，我以為渣打近會好多人，點知明顯比平常疏落。 今晚只得我、Cat同埋鐵腳Ray。人少mobility高好多，換完衫即刻起步，今日鐵腳Ray個pace正常好多，keep住7:30一個圈。我對鞋換左鞋墊，感覺好fresh，唔知係呢排mileage多左所以舒服，抑或係新鞋墊舒服呢？我諗都係新鞋墊o既contribution多D喇。 最後一個圈我想跑個快o既，順便推下阿Ray，不過佢跟左半個圈就唔跟喇。結果6:05跑完last lap，跑完爭D斷氣！ 晚餐去左崇光後面食粥麵，我同鐵腳Ray貴為「內臟達人」當然為善不甘後人，我點左及第粥，佢就點豬潤撈麵，實行挑戰膽固醇！ 聽日約左成個team一齊去維園拎號碼步，順便食餐飯，搞個誓獅大會！ January 25 是日戰況：渣打前的最後長課 地點：沙田運動場 > 梅子林 > 吐露港 > 科學園 > 沙田運動場 時間：9:51 am 跑左：2:08 hr 距離：18 km 燒左：1214 Kcal 鞋：Aero Year to End Mileage：90km Year to End Calories：5556 早幾日小珊同埋Fiona問我跑唔跑，我都心大心細，一來佢地打算跑30K，比我需要o既多好多，其次係星期日朝早入沙田，諗起就覺得凍，所以遲遲都唔覆。 直至早兩日見到三嬸，佢話呢D係「雞精班」，係播，我平時練得咁少，真係要雞精下，所以最後都應承左。 查實我唔知沙田運動場o係邊，問下Fiona佢就話o係火車站行五分鐘左右就到。尋晚覺得唔係好對路就上Centamap check下，結果搵左陣先搵到沙田運動場，但係好似唔係5分鐘腳程，不過人地係地膽，無理由唔信，最緊要知大概方向o係邊就得啦。 今朝起身時真係好Q凍，個心仲係想縮沙，磨下磨下磨到8:15先出門口。去到沙田站約莫9:20，拿拿臨買個飽就行住食。穿過大會堂，落到街發覺同地圖差唔多，但係行極都行唔到，望下錶都差唔多搭八，又無人call我，唔通by default起左步？ o個刻我個心仲有若干縮沙o既情懷，「真係閃左我就o係運動場跑圈啦！」邪惡念頭一起，小珊就call黎喇。 9:45去到沙田運動場，換過衫就起步喇。由於太匆忙，我又無帶帽，又無帶水，好彩小珊幫我嘟左支水，唔係中途肯定暴斃！ 先跑過去梅子林，呢個地方唔錯，山路有成2K，斜度幾moderate，正如阿偉所講「好有西隧feel」，練上斜一流！ Gordon、阿偉、Ryan、小強班快腳一個pack跑左無幾耐就唔見影，我本來同小珊、Fiona一個pack，不過跑跑下就掉低左Fiona，上到山頂本來想等埋Fiona，不過等左陣都唔見人，我諗佢可能跟住原路落山o個班快腳折返，所以抖左陣就同小珊落山。 之後跑過去吐露港，過左成門河之後我覺得右腳腳板外側有D痛，結果捱到去科學園小食亭就同Fiona折返喇。回程時同Fiona吹水，佢提過爽健o個隻鞋墊有幫助。呢隻鞋墊我都有用，不過我突然諗起，對鞋墊都用左N年，可能已經廢左武功，睇黎要換過對先得。 最後我同Fiona慢慢jog返去運動場，拉緊筋時跑多我地10K o既阿偉同Ryan都返黎，真係快得恐怖！無幾耐小強同Gordon都返黎，最後小珊同中途加入o既Kent都歸隊。 四隻快腳話未夠里數，仲要o係運動場衝多幾個圈，我實在無辦法再跑，唯有幫佢地拍下video。 Lunch o係紫荊酒樓食，知客出奇地比左間房我地。阿偉點左大量High Carb點心，跑完步食腸粉同叉燒包得別滋味！ 路線圖：http://www.gmap-pedometer.com/?r=2513877  January 20 是日戰況：青春無敵 地點：馬場 時間：7:26 pm 跑左：49:29 min 距離：10 km 燒左：624 Kcal 鞋：Aero Year to End Mileage：72km Year to End Calories：4342 青春o個個擺明唔係我，我指o既係「鐵腳Ray」。 自從CCM之後，我大概知道自己有幾唔掂。我諗一月份跑過兩次21K，耐力應該唔再係問題，當務之急就係找回速度，為左提升圈速，我今晚搵左「鐵腳Ray」同我拍跳。 跑之前o係changing room見到教練，大家打個招呼，教練一開口就問我：「大熊貓呢？」我就話：「佢本來話今晚黎架，不過最後阿支呀左又唔黎囉....」 一起步我就跟住佢跑，開頭半個圈只係覺得佢好快，之後我就開始上氣唔接下氣，嘩乜哥仔你跑得咁快？所以話青春真係無敵。第一個圈跑完，望下錶，6:30，真係好快。 第二個圈亦都好快，6:40跑完，o個一刻我真係想投降，估唔到「鐵腳Ray」一個星期練一課竟然進步到咁o既程度，真係唔服唔得.... 好彩都係虛火，原來佢sense到我o係佢後面，所以推快左佢，第三個圈佢都頂唔住，慢返些少，7:00完成，不過我都係勉強跟到。 結果跑晒7個圈，49:30完成，成績唔錯，拍跳成功，不過我同佢都爭D抽筋！希望下次可以keep住個spirit，繼續衝鑊甘o既。 晚餐罪過喇，食左Triple-Os大餐，仲要點埋Gravy，不過跑得咁辛苦，唔獎勵下自己會心理唔平衡。 January 18 是日戰況：China Coast Marathon之望山跑死馬 地點：北潭涌 時間：8:00 am 跑左：2 hr 3 min 距離：21 km 燒左：1600 Kcal 鞋：Aero Year to End Mileage：62km Year to End Calories：3718 曾幾何時我講過，一年之中求其搵日叫我去跑個半馬，只要無傷無痛，基本上我都可以within兩個鐘頭內跑完。 不過上次mizuno跑左個1:55，我都唔感咁口響，而今日呢個promise正式幻滅！ 今朝4:30起身，5:00出門口，慢慢遊過去中環間麥記食早餐，之後又施施然遊去大會堂上巴士。AVOHK D安排比田總好，唔使o係條街排隊，架車係城巴，無田總d「囚車」咁迫。車上面老外佔左三四成，岩晒我呢d崇洋人。 大半個鐘後就入到去北潭涌，嘩！凍到丫！乜唔係回暖成廿度咩？感覺只係得11度左右。拿拿臨先去collect Bib and Chip，counter個姐姐都好friendly：「Good luck, have a good race！」聽到人都醒神D！拎住行李，我死都唔肯換衫，周圍行黎行去。八點鐘起跑，七點八我先逐件慢慢剝，寄完行李都成七點11，光速走去起步點，早知人多堆埋一齊咁暖我就早d換衫啦。 有一刻我想過戴唔戴手套好，不過我怕阻住食Gel，最後都係唔戴。 好彩無戴，一起步跑左條長命斜，以經開始曬，仲係晒到想戴墨超o個隻。氣溫亦開始上升，不過我家陣怕凍，熱些少無影響。 呢條路理論上我好熟悉，之前跑過兩次香港15K，又做過毅行support三次，大概有幾甘我以為自己心裡有數。呢條賽道個個都話囉命，我開頭又覺得唔係丫，不過跑左無幾耐，我就後悔喇.... 弗架！D斜路上極都有，最慘係跑到臨衝線之前仲要兜你一鑊，我跑HM都嗌晒救命，D全馬真係精神可加！ 由於新鴻基係sponsor，郭炳江都有落場。咪睇郭生個look咁「正」，貴為富豪佢真係有料到，至少全程都係跑，時間亦唔差，2:13完成！ 而我自己雖然頭15K勉強keep到個pace，不過越跑越無，再加上D斜路真係磨滅鬥志！好彩未recover o個隻腳又奇蹟無事，我先可以勉強2:03衝線。跑左十幾個半馬，終於首次做唔到sub-2。 衝線時見到Mike，即刻高舉雙手影相，不過好似有人阻住。好彩跑多兩步見到阿偉，應該補到飛！AVOHK d race真係好正，一衝鮮就先幫你掛個finisher's medal，然後派水。行多量步就可以還chip，再行前D就有野食：香蕉、香蕉蛋糕、同埋....熱狗！真係無得頂！雖然唔算好食，但係真係好generous，郭生贊左真係唔同D。 記念品亦都非常有睇頭：New Balance 快乾Tee，再加紅色背囊，雖然跑到得返半條命，但條氣即刻順晒。 之後同阿偉+Fiona食餐蛋丁，再加大檸樂，爽晒！  |
|
|
