Rainsipper's space: Work

是日妙問妙答 - 智破唔守規舉阿嬋

Tue, 12 Aug 2008 13:47:11 GMT

我一世最Q憎人唔守規舉，尤其是o個D斷正左仲要阿支阿JOR o個D人。日日都有人打家劫舍啦，又唔見你班阿嬋去做。好彩我亞媽自細唔係咁教我姐。

阿嬋：點解佢都係每日UP兩次, 妳地都唔理佢既, 我都係有時先UP兩次姐~~希望妳地可公平D囉~~
(UP文即是發帖者在短時間內回覆自己的題目，令文章獲得較好的排名)

站長：我們刪文主要是透過抽查及舉報，試問會天洋洋數萬新文章，真的能逐一審查麼？希望您明白人家犯規並不等如您亦能犯的道理。我們已經十分緊貼會員的舉報，如有發現甚麼不對的儘管舉報，我們會盡快處理的，謝謝。

阿嬋：我明白~~, 所以我依家未"舉報"囉, 我都係以為係得, 所以都係學人咋, 點知係我唔好彩, 次次妳地都知, 而人地那些就唔知囉, 不過唔緊要啦, 尋日我睇電視, 原來依家都有好多呢D網, 我希望其他會公平D囉..
(真係好學唔學，又唔見你學下D守規舉o既，好心斷正就唔好咋諦啦，企定自修三件咪算囉。拿拿拿，又兇我喇，咁叻咪睇多D其他網囉，您都係賣野搵食，去到邊都係落得刪文下場)

站長：我們深信有競爭才會有進步，相信這樣會驅使我們做得更好。
(無辦法，又唔爆得粗。對付呢D阿嬋，一定要激)

阿嬋：當然啦, 有競爭才人知邊個高低啦, 不過妳唔使再覆PM啦, 因我唔會再上了..THX..
(唔夠人講咪唔上囉，個個都係咁，無黎挑戰性，出律師信告我丫笨！不過我欣賞你句THX..潑婦得黎有返D風度)

負荊請罪‧給予機會

Wed, 20 Jun 2007 11:25:17 GMT

早兩日，收到呢張咁o既野：

我Personally幾Like呢個idea，比D甜頭流失左o既客，哨得幾多得幾多！

不過呢間野真係無得救：

1. 有親急事打電話一定無人聽

2. 收送件時間唔準

3. 無彈性(人地收重件可能會幫你扣多張套票，佢就硬charge你cash，搞到成日要自行「拆件」)

4. 我知你班速遞大佬個schedule tight過我多多聲，但係等我30秒都唔使鑊鑊好似殺父仇人咁啤住我

5. 接電話o既定必有鄉音，兼聽唔明我D廣東話

6. 呢頭交左錢，o個頭就打黎追數

7. 追數唔緊要，最衰係要追成季前找左o既數

碰巧今日人地託黃金速遞送件比我，下晝由個阿叔打黎，話o係擺花街，點樣行過黎。話晒我棟野導算係上環地標，大佬你點搞呀？

最頂癮o既係，佢四點鐘打黎，加陣放工都唔見人，吹~~~~脹！

先生你貴姓？

Wed, 20 Jun 2007 11:24:20 GMT

嬋：先生你貴姓呀？

我：我姓薛。

嬋：下？係咪姓石？

我：姓薛。

嬋：係咪姓單(冼)？

我：係姓薛，薛仁貴個薛。

嬋：我唔識喎....

我：咁呀... 薛凱琪個薛丫。

嬋：呀... 咁熟o既！

我：.............

一日吹脹幾鑊，真係唔容易。

下次聽Eva講，話比人知係薛家燕個薛，不過我唔想下下都搬個家姐出黎嘛！